“Ди Би Эм лизинг” ХХК нь дунд болон урт хугацаатай санхүүгийн түрээсийн үйлчилгээ үзүүлэх замаар үйлдвэржилтийг дэмжих, урт хугацаатай, өртөг багатай тоног төхөөрөмжийн санхүүжилтийн тогтолцоог бүрдүүлэх, улмаар олон салбарыг тогтвортой хөгжүүлэх санхүүжилтийн тогтолцоог хөгжүүлэх үндсэн зорилгод чиглэсэн “Ди Би Эм лизинг” ХХК нь хүний нөөцийн хөгжилд шударга ил тод байх, эрх тэгш, олон талаас нь бодитой, зөв үнэлэх дүгнэх зарчмыг баримтлан ажиллаж байна.

Хүний нөөцийн менежмент

Компанийн эрхэм зорилгод нийцүүлэн ажилтанд чиглэсэн үйл ажиллагааг хүний нөөцийн менежментийн арга зүйг ашиглан явуулснаар өрсөлдөх чадвар бүхий ажиллах хүчийг бүрдүүлж, төлөвшүүлэх стратегийг баримталж дараах арга хэмжээг явуулдаг. Үүнд:

• Бид ажилтнаа байнгын сургалтанд хамруулж, үр дүнтэй, бүтээмжтэй ажиллах ур чадварыг эзэмшүүлэхийг эрмэлздэг;
• Байгууллагад хүчин төгөлдөр үйлчилж буй холбогдох дүрэм, журам хөдөлмөрийн гэрээг нийт ажилтнууддаа нээлттэй танилцуулж, хөдөлмөрийн эрх зүйн харилцааны холбогдох хэм  хэмжээг үйл ажиллагаандаа мөрдөн ажилладаг;
• Ажилтны хөдөлмөрийн аюулгүй байдал, эрүүл ахуйн шаардлага, стандартыг хангасан ажиллах нөхцөлийг бүрдүүлэн ажилладаг;
• Ажилтанд өсөн дэмжих боломжийг олгож, чадварлаг боловсон хүчнийг бэлдэхийг зоридог;
• Ажилтан бүр ахиж дэвших, сурч хөгжих соёлыг бүрдүүлсэн, ижил тэгш боломж эдэлнэ.

Албан хаагч ажилтныг сонгон шалгаруулах тухай

• Компанийн сул орон тооны талаарх зарыг нэн түрүүнд байгууллага дотроо, дараа нь толгой компанид, эцэст нь нийтэд зарлан мэдээлж, ажилд орохыг хүссэн өргөдлийг хүлээн авна
• Ажилтныг тохирсон ажил, албан тушаалд ажиллуулах, хөдөлмөрлөх таатай нөхцөлөөр хангах, хөдөлмөрийг зөв хуваарилах, ажилтнуудын шинэ санал санаачилгыг дэмжих замаар ажлын бүтээмжийг нэмэгдүүлэх, түүнд тохирсон цалин хөлс, шагнал урамшуулал олгоход анхаардаг.
• Ажилтнуудын ажиллах орчин нөхцөл нь мэдлэг, чадварыг бий болгох, суралцаж хөгжих таатай орчинг бүрдүүлсэн, тасралтгүй суралцагч байгууллага байхад эрмэлздэг.
• Ажлын гүйцэтгэлийн үнэлгээнд тулгуурлан сургалтын хэрэгцээг тодорхойлох, түүнд тохирсон сургалт, хөгжлийн хөтөлбөрүүдийг тасралтгүй зохион байгуулж, үр өгөөжийг үнэлэх байдлаар албан тушаал ахих шалгуурыг тодорхой болгож, карьер хөгжлийн бодлогыг боловсруулж, ажилтнуудын итгэл үнэмшил, ажлын үнэ цэнийг дээшлүүлэхэд анхаардаг.
• Ажлын байрны шинжилгээнд суурилсан албан тушаалын ангилал зэрэглэлийг бий болгож, түүнийгээ ажлын гүйцэтгэл, цалин урамшуулын системтэй уялдуулж ажиллахад чиглэдэг.
• Ажилтнуудыг тогтвор суурьшилтай ажиллуулах зорилгоор тэднийг байгууллагын үнэт зүйл хэмээн үзэж, нийгмийн асуудалд нь анхаарч, эрүүл мэнд, аюулгүй байдлыг хангаж ажилладаг байна.

"Ди Би Эм лизинг" ХХК-ийн ажилтнуудын ёс зүйн дүрэм