Монгол Улсын Хөгжлийн банкны охин компани болох “Ди Би Эм лизинг” ХХК нь 2017 онд үүсгэн байгуулагдаж, санхүүгийн түрээс буюу лизингийн үйл ажиллагаа эрхлэн ажиллаж байна. Компанийн Эрсдэлийн үйл ажиллагаа хариуцсан нэгжийн Тоног төхөөрөмжийн инженерийн сул ажлын байранд нээлттэй сонгон шалгаруулалтыг зарлаж байна.

НЭГ. АЖЛЫН БАЙРНЫ ЗОРИЛГО:

Санхүүгийн түрээсийн судалгаа шинжилгээ, шийдвэр гаргалтад дэмжлэг үзүүлэх зорилгоор түрээслүүлэх түрээсийн зүйлийн үзүүлэлт, хүчин чадал, үнэ ханшийн судалгааг хийж, нийцлийн тодорхойлолтыг боловсруулах, түрээсэлсэн түрээсийн зүйлийн бүрдүүлэлт, баримт бичгийн бүрдэл, чанар, аюулгүй байдал, тэдгээрийн ашиглалт, засвар үйлчилгээг холбогдох дүрэм, журам, заавар, хууль тогтоомжийн хүрээнд зохион байгуулах, түүнд мэргэжлийн зөвлөгөө өгч, дэмжин ажиллах, хяналт тавих, түрээсийн зүйлийн өмчлөх эрхийг шилжүүлэх.

ХОЁР. ГҮЙЦЭТГЭХ ҮНДСЭН ҮҮРЭГ:

1. Санхүүгийн түрээсийн хүсэлтийн дагуу тухайн түрээсийн зүйлийн судалгаа, шинжилгээ, тоног төхөөрөмжийн нийцлийн тодорхойлолтыг мэргэжлийн өндөр түвшинд хийх, түрээсийн зүйлийн хэрэгцээ шаардлага, үзүүлэлтийг судалж, мэдээллийн санг бүрдүүлэх, түүнд холбогдох мэдээллээр компанийн ажилтнуудыг тогтмол хангах;
2. Түрээсийн зүйлийг худалдан авах, хүлээлцэх, бүртгүүлэх, бүртгэх, шилжүүлэхтэй холбоотой үйл ажиллагааг зохион байгуулах;
3. Түрээсийн зүйлийг биет байдлын болон эрхийн доголдолгүй ашиглаж байгаа эсэхэд холбогдох хяналтыг хийж гүйцэтгэх;
4. Ажлын байрны зорилгын хүрээнд явуулах бусад ажил үүрэг;

ГУРАВ. АЖЛЫН БАЙРАНД ТАВИГДАХ ШААРДЛАГА:

• Тоног төхөөрөмжийн инженер, Механикийн инженер, Техник хангамжийн инженер, Эдийн засаг, бусад инженерийн чиглэлээр бакалавр болон түүнээс дээш зэрэгтэй;
• Мэргэжлээрээ /инженерийн/ чиглэлээр 1-ээс доошгүй жил ажилласан;
• Техник, тоног төхөөрөмжийн талаар өндөр мэдлэгтэй, техник, тоног төхөрөмжтэй харьцах чадвартай;
• Техникийн тооцоолол, үнэлгээ, эрсдэлийн шинжилгээ хийх, нөхцөл байдалд үнэлгээ дүгнэлт хийх чадвартай;
• MS office-ийн орчны программууд болон интернэт, электрон шуудан ашиглалтын хэрэглээний программуудыг эзэмшсэн,  холбогдох санхүүгийн  программуудын талаар мэдлэгтэй;
• B, C, D ангиллын жолооны эрхтэй бол давуу тал болно.
• Томоохон үйлдвэр, уул уурхай, эрчим хүчний төсөл дээр ажиллаж байсан бол давуу тал болно.

ДӨРӨВ. ЦАЛИН ХӨЛСНИЙ ХЭМЖЭЭ:

      1.Тохиролцоно.

ТАВ. БҮРДҮҮЛЭХ МАТЕРИАЛ:

1. Төрийн албан хаагчийн анкет, өөрийн намтар;
2. Боловсролын дипломны нотариатаар гэрчлүүлсэн хуулбар
3. Иргэний үнэмлэхийн лавлагаа /ТҮЦ машин, эсхүл e-mongolia/;
4. Ажилд орохыг хүссэн өргөдөл /албан тушаалыг тодорхойлох/;

Нээлттэй сонгон шалгаруулалтад оролцохыг хүссэн ажил горилогчийн холбогдох баримт материалыг /munkhchimeg.p@dbmleasing.mn/ цахим хаягаар болон “Ди Би Эм лизинг” ХХК-ийн байранд биечлэн өгөх боломжтой ба 2026 оны 07 дугаар сарын 27-ны өдрийн 10 цаг хүртэл хүлээн авна.

МАНАЙ ХАЯГ: Улаанбаатар хот, Сүхбаатар дүүрэг 6-р хороо, Бага тойруу/14200/ 48-р байр 14 давхар, 1401-1402 тоот.

Холбоо барих:  Аж ахуй, хүний нөөцийн мэргэжилтэн - Утас: 80001127 /munkhchimeg.p@dbmleasing.mn/