“Ди Би Эм Лизинг” ХХК-ийн удирдлагууд Монгол Улсын Хөгжлийн банк, Хүнс, хөдөө аж ахуй, хөнгөн үйлдвэрийн яам болон Монголын ноос, ноолуурын холбооны төлөөлөлтэй 2026 оны 09 дүгээр сарын 10-ны өдөр албан уулзалт хийлээ.
Уулзалтаар Монгол Улсын ноолуур ээрэх үйлдвэрлэлийн өнөөгийн нөхцөл байдал, салбарын үйлдвэрлэлийн хүчин чадал, технологийн шинэчлэлийн хэрэгцээ, шаардлага болон цаашдын хөрөнгө оруулалтын боломжийн талаар санал солилцов.
Энэ хүрээнд төрийн бодлогын дэмжлэг, урт хугацааны санхүүжилтийн эх үүсвэр болон санхүүгийн түрээсийн бүтээгдэхүүнийг уялдуулсан санхүүжилтийн шийдлийг бүрдүүлэх боломжийг судалж, салбарын аж ахуйн нэгжүүдийн үйлдвэрлэлийн хүчин чадлыг нэмэгдүүлэх, технологийн шинэчлэл хийхэд шаардлагатай хөрөнгө оруулалтыг дэмжих чиглэлээр хамтран ажиллахаар болов.
Энэхүү хамтын ажиллагаа нь Монгол Улсын ноос, ноолуурын түүхий эдийг дотооддоо илүү гүн боловсруулж, нэмүү өртөг шингэсэн бүтээгдэхүүний үйлдвэрлэлийг нэмэгдүүлэх, улмаар экспортын бүтээгдэхүүний төрөл, нэр төрлийг өргөжүүлэх, салбарын үйлдвэрлэлийн үр ашиг, өрсөлдөх чадварыг дээшлүүлэхэд чиглэж байна.