Бээжин хотноо Монголын талын төлөөлөгчид БНХАУ-ын “China Energy Investment Group” ХХК-ийн төлөөлөлтэй уулзаж, Гашуунсухайт–Ганцмодын хил дамнасан төмөр замын төсөл, нүүрс тээвэрлэлт болон хөдлөх бүрэлдэхүүний шинэчлэлийн талаар санал солилцлоо.
Уулзалтаар өсөн нэмэгдэх тээврийн хэрэгцээг хангах хүрээнд зүтгүүр, хөдлөх бүрэлдэхүүнийг шинэчлэх, худалдан авалтыг санхүүжүүлэх болон экспортын зээлийн даатгалын боломжийг өргөжүүлэх асуудлыг хэлэлцэв.

Монгол Улсын Хөгжлийн банк болон Ди Би Эм Лизинг ХХК нь төмөр замын хөдлөх бүрэлдэхүүнийг санхүүгийн түрээсээр шинэчлэх, урт хугацааны санхүүжилтийн шийдэл боловсруулах, гадаадын санхүүгийн байгууллагуудтай хамтын ажиллагааг өргөжүүлэх чиглэлээр ажиллаж байна.